នៅថ្ងៃទី ២៨ ខែមិថុនា ឆ្នាំ២០២២ នេះ បើយោងតាមសារសំឡេងរបស់សម្ដេចហ៊ុន សែន នាយរដ្ឋមន្ត្រីនៃប្រទេសកម្ពុជា ចេញផ្សាយដោយក្រសួងព័ត៌មាន បានឱ្យដឹងថាថ្ងៃនេះកម្ពុជាបានរកឃើញករណីឆ្លងជំងឺកូវីដ១៩ក្នុងសហគមន៍ឡើងវិញហើយ ក្រោយស្ងាតអស់មួយរយៈកាលកន្លងទៅ។
តាមប្រសាសន៍របស់សម្ដេចតេជោ ក្នុងសារសំឡេងនេះ ក៏បានឱ្យដឹងផងដែរថា ករណីដែលបានរកឃើញនេះមានគឺបង្ហាញដោយម៉ាស៊ីតេស្ត PCR និងមានរកឃើញតាមរយៈតេស្តរហ័សមួយចំនួនផងដែរ។ ករណីឆ្លងឡើងវិញនេះ ត្រូវបានរកឃើញលើអ្នកដែលធ្វើទម្រង់បែបបទចេញទៅក្រៅប្រទេសមួយចំនួន និងអ្នកមួយចំនួនទៀត គឺជាអ្នកដែលបានវិលត្រឡប់ពីក្រៅប្រទេសចូលមកកម្ពុជាវិញ៕