កន្លងមក Technology Cambodia ធ្លាប់បានណែនាំពី App ប្រើបច្ចេកវិទ្យា AR អាចឱ្យយើងលស្បែងជើងតាមទូរស័ព្ទបាន។ ស្រដៀងគ្នានេះដែរ ថ្ងៃនេះយើងនឹងនាំ App មួយទៀតមកឱ្យលោកអ្នកស្គាល់ គឺ App លនាឡិកា ថាតើមាននាឡិការបែបម៉េច ដែលស័ក្តសមជាមួយដៃរបស់យើង។
App នេះមានឈ្មោះថា AR-Watces ដែលយើងអាចប្រើវា ដើម្បីដឹងថា តើនាឡិកាមួយណាសមស្របជាមួយដៃយើង។ ការប្រើ App នេះគឺយើងគ្រាន់តែ ចូលក្នុង App រួចជ្រើសរើសយកប្រេននាឡិកាល្បីៗ ឧទាហរណ៍ដូចជា ROLEX, AWI, BOVET ជាដើម។
បន្ទាប់ពីបានជ្រើសរើសប្រេនណាមួយរឿនយើង គេនឹងឱ្យយើងចូលរើសមើលនាឡិកាណា ដែលយើងគិតថាស្អាត ឬស័ក្តសមនឹងយើង។ ក្រោយពីជ្រើសរើសរួចហើយ វានឹងលោតកាមេរ៉ាឱ្យយើងថតដៃរបស់យើង អមជាមួយនឹងរូបនាឡិកាដែលយើងបានជ្រើសរើសដូចនៅក្នុងរូបខាងលើដូច្នោះដែរ។ តោះបើចង់សាកល្បង អាចចូលទៅទាញយកមកប្រើទាំងអស់គ្នា។
អត្ថបទដោយ៖ ផែន ផាន់ណា