ថ្មីៗនេះ Toyota បានបង្ហាញនូវរថយន្តភីបអាប់ជំនាន់ថ្មី Toyota Trailhunter Concept ដែលជាប់សាច់ ជាប់ឈាមជាមួយនឹង បងធំ Tacoma ហើយរថយន្តនេះ ត្រូវបានប្រទះឃើញនៅកម្មវិធីពាណិជ្ជកម្ម SAMA ឆ្នាំ២០២២ ក្នុងរដ្ឋ Las Vegas នៃសហរដ្ឋអាមេរិក ។
បើយោងតាមការផ្សាយរបស់ CNET.com បានឲ្យដឹងថា Toyota បានបញ្ចេញនូវរូបភាពជាច្រើនសន្លឹកអំពីអ្នកឯកទេស Off-Road គឺ Toyota Trailhunter ដែលត្រូវបានយកគំរូតាម Toyota Tacoma ។ រថយន្តភីបអាប់នេះដែរត្រូវបានបង្ហាញជាកញ្ចប់អ្នកដើរព្រៃ បោះតង់ ដែលបានភ្ជាប់មកជាមួយទ្រង់ខាងក្រោយ ក្បាំងការពារមុខក្រោយ ទូទឹកកក់ តង់ ព្រមទាំងបានបំពាក់ជាមួយនឹងចង្កៀងបំភ្លឺផ្លូវផ្សងព្រេងទៀតផង ។
ប៉ុន្តែសម្រាប់សំបកខ្លួនទទេវិញ រថតយន្តមានរូបរាងមិនស្លូតប៉ុន្មានឡើង ព្រោះថាមុខមាត់ ក៏ដូចជារូបរាងដូចជាខ្លាឃ្មុំទឹកកកដ៏ធំបើកឆ្លងកាត់ភ្នំទឹកកកអ៊ីចឹង។ ទោះបីជាយ៉ាងណាក៏ដោយ Toyota មិនបានបង្ហើបអំពី Performance គ្រឿងមេកានិក និងតម្លៃណាមួយឡើយ ៕
អត្ថបទដោយ៖ ព្រឹម ភក្តី
