កន្លងមកសម្រាប់ការថតសំឡេងពេលនិយាយគ្នាតាមទូរស័ព្ទគឺទាមទាឲ្យប្រើជាមួយនឹងកម្មវិធីជំនួយទើបអាចថតបាន ប៉ុន្តែទូរស័ព្ទខ្លះក៏មានមុខងារនេះមកស្រាប់ផងដែរ ដោយឡែកសម្រាប់អ្នកប្រើប្រាស់ iPhone វិញអាចថារាងពិបាកបន្តិចមែនប៉ុន្តែឥឡូវនេះគឺយើងអាចទទួលបានមុខងារថតសំឡេងពេល Call ជាមួយអ្នកដទៃ ហើយ ។ ដូច្នេះខាងក្រោមនេះគឺជាដំណាក់កាលនីមួយក្នុងការចូលទៅដំណើរការមុខងារ Call Recording:

របៀបបើក

ត្រូវតែប្រើប្រាស់ជាមួយនឹង iOS 18 ឡើងទៅ

បន្ទាប់មកចូលទៅកាន់ Setting

ចូលទៅកាន់ App រួចចូលទៅ Phone

បន្ទាប់មកទៀតចូលទៅកាន់មុខងារ Call Recording ហើយចុចបើកមុខងារនេះ

បន្ទាប់ពីបើកហើយ អ្នកទាំងអស់គ្នាអាចថតសំលេងពេល Call បានហើយ ដោយនៅពេល Call ជាមួយនរណាម្នាក់វានឹងលោតសញ្ញាមួយនៅផ្នែកខាងលើ

ដូច្នេះពេលដែលទទួលទូរស័ព្ទនិយាយជាមួយគេគឺយើងអាចប្រើមុខងារថតសំឡេងនេះបាន បន្ទាប់ពីសំឡេងហើយវានឹងបញ្ជូនទៅកាន់ Note App វារក្សាទុកជា File ដែលយើងអាច Share ទៅកាន់អ្នកផ្សេងក៏បាន និងអាចបំប្លែងសំឡេងដែលថតបានទៅជាអក្សរក៏បានដែរ។

សូមបញ្ជាក់ថានៅពេលដែលយើងចុចមុខងារថតសំឡេងវានឹងបញ្ជូនដំណឹងទៅអ្នកម្ខាងទៀតថាយើងកំពុងតែថតសំឡេង

អត្ថបទដោយ៖ រិន មករា